Wieder in Lima!

Stellplatz bi de Laguna Paca

Voller Freud hend mir vor es paar Wuche das lute, neblige und chuehle Lima hinder ues lo und sind id Berge gfluechtet. Uber zerscht gueti Strosse isch es noch Huancayo gange, wo mir en super Stellplatz am See gfunde hend. Noch dem sich Polizei denn drue Mol versichered het dass mir au jo nur Turischte sind, hend mir denn gfunde dass es langed und sind wieters..

Effiziente Studentestreik!

Leider hend mir denn noed us de Stadt usechoene, will Studente sehr effizient d Stross, die einzig wo noch Ayacucho goht, mit Stei verbarikadiert het. Mit em Erfolg, dass de ganz Verkehr fuer Stunde lahmgleit gsi sich. Fuer ues es keis Problem, mir hend ue seifach nebed de Zahlstation deponiert und hend det uebernachtet.




Wieters isch es wortwoertlich ueber Stock und Stein bis mir denn endlich d Lagune erreicht hend. Do hend mir denn schnell muesse feschtstelle: wo's e Stross het, hets au es Huus.. Wildcampe am See, i de volle Natur weg vo de Zivilisation, i dere Region unmoeglich..Und drum isch es am noechschte Tag gad wierts gange, a Alpacaherdene verbi, uf ueber 5000m, zwuesched riese Berge und Schneefelder Richtig Ayacucho..

Eini vo dene guete Strossene in Peru...

Schneeballschlacht uf 5000m!

Aber au in Aycucho hend mir abgseh vo viel Polizei
nuet gfunde, wo mir hetted choene bliebe. Mir sind i 2 Stund ganzi 6 Mol vo de Polizei aghalte worde..Teilwies nur, wills ueses Auto hend welle aluege..Mir sind denn i de Noechi vo Ayacucho glandet. Und will mir nuet Sichers zum Uebernachte gfunde hend, hend mir gad vor de Polizeistation uebernachtet. Am noechschte Tag sind mir s Chriegsdenkmol und d Wariruine go besichtige. D Warikultur isch no aelter als d Inkakultur, isch aber ebefalls scho sehr entwicklet gsi.

Chriegsdenkmol in Chinua

Wari Ruine

Schneller als mir denkt hend, sind mir in Andahuaylas acho, wo mir ues es paar Taeg Erholig im Hotel goennt hend. I dere Ziet hets i dem Staedtli es Volklorefescht geh, wo mir mit Interesse mitverfolgt hend.

Folklorefescht

                                                                                                    Mir hend denn vor gha, ziemlich i eim Rutsch noch Cusco z'reise und de beruehmt Machu Picchu z besichtige. Wo mir aber in Abancay (vier Stund vor Cusco), wieder uf asphaltierti Strosse cho sind, hend mir gmerkt, dass bi uesem Magic Bus d Automatik nueme tuet. (Also de Charre nueme schaltet. Es isch jo en Automat.)
                                       

\

Nochere erfolglose Wuche in Abancay, hend mir denn alles wieder zrug noch Lima muesse (17 Stund), dos nur in Lima Ersatzteil und Spezialischte git. Jo, und do sind mir jetzt, scho wieder, und wartet uf ueses Auto, wo i es paar Minute soetti abfahrbereit si.

Und denn heissts: Tschau, tschau Lima! Uf hoffentlich nieme wiederseh!

Bis bald!

Kai und Manu