Oh wie schoen ist Panama!!!

Do es wiedermol regnet, hemmer au Ziet zum schriebe..So gseh hettet mir eigentlich so jede Tag Ziet gha letscht Wuche :-)
Noch Boquete hend mirs schoene Wetter am Meer vo Las Lajas gfunde, das isch aber au gad s`einzig Postitivi gsi a dem Ort. Denn in Las Lajas hets absolut nix gha usert es uebertuerts Beach & Spa Resort fuer Nichtraucher (Super, dass sind mir jo au :-)) und en ca. 30 km lange Strand mit tuuussssigeee vo Einsiedlerchrebsli.

Las Lajas und de einzig erlaubti Raucherplatz!!! Gedige!!!

I de Bergregion vo Santa Fe

So sind mir denn wieters noch Santa Fe, es Berg-
dorf i de Mitti vo Panama..Det hend mir absolut superfeine, nicht panamesische Food vonere Kambodschanerin doerfe gnuesse.. Am zweite Tag in Sante Fe hend mir en usdehnti Wanderig durch de Dschungel zum Wasserfall gmacht, wo mir schlussendli leider nid gfunde hend :-(
Aber es isch trotzdem absolut genial gsi durch die ganz Natur und de Chnoecheltuefi Matsch dure z`laufe.


Vo det a sind mir miteme Hollaender wieters greist und hend de eint oder ander Strand bsuecht. Uesen absolute Favorit isch de Playa Venado gsi.. Die Riesewelle hend nur so zum Bodysurfe igladet.. Bloed isch nur gsi, dass ich (Manu) da au noch 100 Versuech nonig uf d Reihe brocht han..Daefuer han ichs als einzigi gschafft inen "Raya" (= Meerestier mit Stachle) inezstoh.Anstatt dae Wow-Effekt hani denn de Au-Effekt gha..

Panamakanal mit eim vo de groeschtmoeglichschte Schiff

Jo, und jetzt sitzed mir in Panamacity fescht und wartet uf geignets Wetter um noch Kolumbie z`segle.. Mir hoffed, dass das ide noechschte Taeg klapped und mir det choend Wiehnachte fiere.

Idem Sinn: Feliz Navidad!!!!

Kai und Manu

Adios Costa Rica - Bienvenida PANAMA

Bacos del Toro (vo uesem Hostel us)!!!

Sit fascht zwei Wuche sind mir jetzt denn scho in Panama. Im Moment sind mir no in Boquete, emene chlinere Dorf  ide Berge, wo de Rege bsunders gern het :-) Sunne hemmer defuer uf Bocas del Toro massehaft doerfe tanke. Det hemmer mit em Boot de eint oder ander Usflug underno und nebscht es paar Delfin,Seesterne und Qualle au traumhafti Straend gseh. Aber lueged doch selber :-)

Vulkan Arenal

In Costa Rica hend mir uf uesem Autotripp au no so einiges entdeckt: dae Vulkan Arenal, Hot Springs, en Tierpark mit jenschtae iheimische Tier usw. Uesi Costa Rica Ziet hend mir in Puerto Viejo im Huus vom Oli usklinge loh. A dere Stell: Danke nomol viel Mol Oli!!!

Hasta luego!


KAi und maNU

Pura Vida

Abschlussparty in Samara (Olas Bar)

Do mir im Moment grad in Monteverde (Nebelregenwald) sind und wiäs dä Name au scho seit (Regä), Regnäts natürli au. Also sitzet mir do grad i üsem Hotelzimmer und wills mir (dä Kai) grad langwillig isch und i süsch nur würd d`Manuu nervä, schrieb usnahmswies ich dä Blog :-)

Abor fanget mor doch vo vornä a:

Ready fuert Canopy-Tour

In Samara hend mir bis letscht Fritig no Spanischschuel ka, sind dötä no än Surfcontest (Regional) go aluägä, sind i dä Olas Bar chli go fäschtä, hend Sunnä, Strand und s`Meer no gnosä und hend üs schlussendli no äs Auto gmiätet. Mit dem Auto sind noch Monteverde gfahre wo mir hüt Morgä go Canopy (für die wos Interessiert und Google-Fründe: Extremo Canopy Monteverde) machä sind.

                                                                                                                                                                                                                                     So, i glaub jetzt wirds wiedor Zit zum d`Manu ächli nervä :-)

Tschüüüüüsss!!!

Manuu im Aflug

BUENAS DIAS LA SUIZA

Mir sind vor äre Wuche wieder guet in Costa Rica acho. Dä Flug mit dä Continental isch trotz ziemlich witzige Froge (Wohnend Sie Zämme? Wer het Sie an Flughafe brocht?) einiges agnehmer gsi. Vor allem hend mir dasmol en eigne Fernseh und guets Ässe dörfe gnüsse :-) !

Vulkan Irazu im Nebelschleier

Die erschte Täg hemmer üs in San José aklimatisiert. Komischerwies isch üs die Stadt dasmol au nümm so unsympatisch gsi. Cool isch dä Usflug zum Irazu Vulkan gsi! Mir hend super Wetter verwütscht und gad en turischtefreie Moment.

Noch Samara heged mir anschienend s schön Wetter mitgno. Die Wuche zuvor hegs so ziemli gseicht und es het so einigi Überschwemmige und Erdrütsch ge. Mir hend vo dem Ganze so guet wie nüt mitbecho, denn sit mir so sind, schient d Sunne!

Vorgescht sind mir s erscht Mol go surfe. (Liebi Corinne, leider gits no e keis Foti vo mir uf em Brett, so lang bini leider nie gstande :-)) Durch das, dass mir immer alterniert Morge/Nomittag Schuel hend, und das "nur 4 Stund", hemmer ziemlich viel Ziet zum s Meer z gnüsse und d Bars vo inne kennezlerne :-)

Kommentarlos

Playa Conchal

Do mir wieder bi de gliche Familie sind und üsi Gaschteltere (29 und 25 jährig) recht cool sind, hemmer üs au gad wieder recht schnell heimisch gfühlt. Gescht hend mir sogar zum erschte Mol üs mit ihne uf spanisch chöne underhalte (also mas o menos).

Bis bald wieder!

Saludos

Uesi Surfschuel

Kai und Manu

Bienvenida a Costa Rica

Noch 21 Stund reise hend mirs gschafft, mir sind in Costa Rica acho! Am Morge am vieri isch es in Hagewil los gange. Vo de Sheila abgholt (danke nomel!) isch es an Flughafe,ohni Problem hend mir det choene ichecke (au ohni Wieterflug us Costa Rica use) .Noch de Zwueschelandig i Madrid isch es den uf die letscht Etappe noch San Jose gange. Mir sind glichzietig mit de Sunne greist und hend ewigs lang Tag gha ;-)
In San Jose acho, isch ueses Hotel "Fleur de Lys" mit em Taxi au schnell gfunde gsi..Noch ueber 40 Stund praktisch ohni Schlof, sind mir den zfriede und voellig kaputt is Bett gheit.

Fazits vom Tag:

- d Fluggsellschaft choenti statt Iberia au Sibiria heisse, denn es isch e Affechaelti gsi i dem Flugzueg
- Spanisch chunt eim wuerkli spanisch vor
- mir choented au mit Turischt agschriebe sie, mir werdet sogar uf de Stross englisch gruesst :-)

Muchas gracias por todo

Abschlusswettlaechle :-)))))))

Abschlussgrinse vo de Schwoeschtere

A alli wo gescht a üsem Abschlussfescht gsi sind :-)

Danke viel Mol ,dass ihr üs so en "rauschende" Abschied ermöglicht hend. Dä Obig wird üs in in gueter  (dä Morge inä es bitzeli weniger gueter :-) ) Erinnerig bliebe.

Begleitet vo allne liebe Wünsch meldet mir üs somit vo dä Schwitz ab!

Und denked dra:

Wir kommen wieder!

Beso

Kai und Manu

Gwuennerin au ohni grosses Laechle :-)

Mittel- und Südamerika

Endlich ist es soweit! Unsere grosse Mittel- und Südamerikareise startet am Montag.

Aus diesem Grund laden wir euch herzlich zu unserem Abschschiedsfest diesen Samstag im Pärkli-Pub in Amriswil ein.

Wer Lust und Zeit hat, darf uns gerne am Montagmorgen um 4.00 Uhr nach Zürich-Kloten chauffieren :-)
Freiwillige bitte melden!!!!!!

Gruss KAi und maNU