1. Teil
 |
| Kamikaze |
Obwohl Ecuador eher chli isch, aber imerhin no 6 Mol groesser als d Schwitz, sind mir hald immer no do :-) Ganzi zwei Wuche sind mir im Islamar gsi und hend so eniges mit em Erich und em Bruno underno:
En Boottripp uf d Insele nebeddra, en Usflug in Nationalpark Machalilla mit eme erfrischende Bad im eher stinkende Schwefelbad, en Autotripp noch Monte Christi (Panamahuetmeka) und en Bsuech am Fischmarkt.Am Obig sind mir bi meischt selberkochte Koscht bim Sunneundergang binenand ghoecked und hend die chuehl Nachtluft bimene nochli chuehlere Bier gnosse.
 |
| En Originale Panamhuet i bearbeitig fuer ca. 900 Dollar |
Nochdem mir ues vo dem Ort hend choene loese, isch es wieters noch Montanita, es Surferparadis. A dem hippiaghuchte Ort hets ues au guet gfalle, vor allem will det so einiges gloffe isch. Vo sunnebruente Moechtegernsurfer bis Strossemusiker und massehaft Baendelichnoepfer hets so ziemli alles geh.
 |
| Uf em Weg noch Montanita |
Wieters isch es denn de Kueschte entlang in Norde. Noch Canoa hend mir no en Stopp in Mompiche gmacht. Das isch fuer ues ein vo de schoenschte Strend gsi: es chlises Kaff mit feine Drinks, Palme und superwarmem Wasser mit Hammerwelle zum Bodysurfe (und jo, d Manu chans au noch wietere 1000 Versuech immer nonig)..
 |
| Chille in Mompiche |
Noch ueber 3 Wuche Strand isch es denn is Innland gange. Gnauer gseit uf d Finca vom Bruno. Mir hend ues det es Bild vo sine knapp 5000 Palme doerfe mache, hend de Arbeiter bim Ernte choene zueluege und de Kai het denn au gad mitapackt..Nebscht de Palme hets e grossi Vielfalt a andere Pflanze det gha, die frei umelaufende Ross, d Ente und Huehner, wie au de Fischteich noed z vergesse. Dos ziemlich heiss gsi isch, hend mir de Vorschlag mit em Bade em Fluss dankend agno..Noch zwei Stund im chuehle Nass, isch es mit em Toeff bim Obigrot und Regeboge zrug noch Calandrinas, wo ueses Auto uf ues gwartet het.
 |
| Au de Kai het wiedor emol echli gschaffet |
Noch es paar Taeg uf de Finca, sind mir denn wieters noch Mindo. Mindo lit imene wunderschoene Tal mit fruehlingshaftem Klima wo massehaft Kolibris i allne Farbe und Forme umeflueget. Noch de Besichtigung vo de Kolibris, verschiedenschte Vogelarte, wo verbunde gsi sind mitere Dschungelwanderig und zum Schluss no en Hahnekampf, isch es denn wieder zruck gange is verregnete Quito wo mir eigentli nur so zwei Taeg hend woelle verbringe :-)
 |
| Bis zum bittere Tod |
2. Teil
Jo ebe, so wie es halt isch, het das mit dene zwei Taeg nid so ganz klappet :-)
Mir hend ues denn (obwohls noed wuerkli i ueses Reisebudget passt) fuert Galapagosinsle entschiede. Dem Superagebot hend mir nid choene wiederstoh und sind denn churzentschlosse zu de Galapagosinsle gfloge.
 |
| Vulkanlandschaft Bartolome (Galapagos) |
Acho bi traumhafte Wetter und Temparature um die 35 Grad sind mir denn abgholt worde und sind zu uesem Chruezfahrschiff brocht worde wo de 4-taegig Trip gstartet het wo folgendes beinhaltet het:
 |
| Landleguan |
-Bsuesch uf verschiedene Inslene mit Leguane, Fregattvoegel, Rieselandschildchrote, Pelikaen, Blaufuesstoelpel und susch no paar Pipmaetz
 |
| Guet Nacht oder eher Morge |
 |
| Hola!!! |
-Schnorchle mit Pinguine (isch nur moegli uf de Galapagos, mit de Badehose natuerli), Wasserschildchrote, Seeleue, Octopus, Roche, Mantas, Haie und massehaft Fisch
 |
| Soell i mol mit em Noedeli dristeche??? |
-und natuerli doerf mor nid vergesse de Massetourismus mit de Beigefarbende Trekkingbekleidig wo alli glich
usgseh hend
Noch em Trip uf em Schiff hend mir d'Insle Santa Cruz uf eigeni Fuscht no 3 Taeg lang erkundet:
-Z'Fuess sind mir bi bruetende Hitz zum Tortuga-Bay gwatschlet, amene wisse, Menscheleere Sandstrand.
 |
| Ähm jo, eifach genial |
-Am noegschte Tag hend mir Darwinstation (Schildchrotufzucht) besichtigt und hend doete am chline Strand uesi Koerpertemperatur reguliert.
 |
| Noed schlecht mit 150-200 Johr uf em Buggel |
-Am letschte Tag hend mir zwueschet de Felsschlucht badet bis Turis ues d'Rueh gstohle hend.
 |
| Jetzt weis i nuem wa schriebe |
Jo, und jetzt sitzet mir wieder in Quito fescht und wartet bis d'Woesch fertig wird dass mir endli wietors i Richtig Peru fahre choend.
Ah jo, Kommentaer sind wieterhin erwuenscht, denn au mir wuerdet ues freue ueber Lebenszeiche vo uesne Leser (het jo sehr abgnoh i letschter Zit).
Uf e ne Kommunikativi Zuekunft
Kai & Manu
